TIRANE-Kolegji i Posaçëm i Apelimit ka lënë sot në fuqi shkarkimin e gjyqtarit të Gjykatës Kushtetuese Fatos Lulo. Gjyqtari pas shkarkimit nga Komisioni i Pavarur i Kualifikimit apeloi vendimin duke e cilësuar si të padrejtë, por Kolegji vendosi sot lënien në fuqi të vendimit duke shtuar se ‘Ky vendim është përfundimtar, i formës së prerë’. Pas vendimit të sotëm, Lulo mund të ankohet vetëm jashtë Shqipërisë në gjykatën e Strasburgut.
Trupa gjykuese e Kolegjit të Posaçëm të Apelimit, kryesuar nga Luan Daci, relatore Natasha Mulaj dhe anëtarë Albana Shtylla, Ardian Hajdari, Sokol Çomo, sot, më datë 17.07.2018, ora 10:00, në dhomë këshillimi, bazuar në nenin 66/1 – a, të ligjit 84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë”, vendosi unanimisht: Lënien në fuqi të vendimit nr.12, datë 23.03.2018 të Komisionit të Pavarur të Kualifikimit që i përket subjektit të rivlerësimit Fatos Lulo. Ky vendim është përfundimtar, i formës së prerë.
Kolegji i Posaçëm i Apelimit
Fatos Lulo ishte i pari gjyqtar i shkarkuar në procesin e Vettingut. Gjyqtari Fatos Lulo u shkarkua, pasi nuk justifikonte pasurinë e tij prej 480 mijë dollarë dhe shtëpinë në Kanada. Gjithashtu, sipas ILDKPK, Lulo është zotërues i një apartamenti te "Rruga e Durrësit", i fituar me kontrate dhurimi nga motra dhe një zyre, sipas deklarimit te tij e dhuruar me vlere 100 mijë dollarë.
Vendimi i Kolegjit të Posaçëm të Apelimit