TIRANË- Kolegji i Posaçëm i Apelimit (KPA) ka shkarkuar përfundimisht nga detyra, prokurorin Anton Martini, duke i prerë ëndrrën që të jetë pjesë e SPAK. Mos justifikimi i një banesë dhe deklarimi i pasaktë i dhanë fund karrierës karrierës së tij në organin e akuzës.
Ai kishte kaluar shkallën e parë të Vettingut në KPK, por në seancën e sotme, KPA gjykoi se ai nuk justifikonte blerjen e banesës, për pasojë e shkarkoi. Martini nuk ishte i pranishëm sot në seancë.
Kush ishte Anton Martini? Anton Martini e ka nisur karrierën në sistemin e drejtësisë në vitin 1999 dhe është emëruar prokuror në Prokurorinë e Krimeve të Rënda në vitin 2004. Në vitin 2015, Martini u transferua në Shkodër nga Këshilli i Prokurorisë së kohës, vendim të cilin ai e kontestoi për parregullsi. Në qershor 2018, Martini u rikthye në Prokurorinë e Krimeve të Rënda.
Prokurori Anton Martini është renditur i dyti nga Këshilli i Lartë i Prokurorisë për të qenë pjesë e Prokurorisë së Posaçme. Barriera e fundit e tij për të marrë emërimin në SPAK, ishte vettingu, por që nuk e kaloi atë.
Prokurori Anton Martini
Komente
Mund te jete shume i pregatitur, por shume arrogant dhe pa pike kulture.
Përgjigju