Receta

Vezë me kunguj e domate nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

1 Korrik, 11:54| Përditesimi: 1 Korrik, 11:55

  • Share

Vezë me kunguj e domate

Përbërësit:

  • 5-6 vezë
  • 4 kunguj
  • 4 domate
  • 2 thelpinj hudhër
  • 60 gr gjalpë
  • 4 lugë vaj ulliri
  • 1 degëz borzilok
  • Kripë e piper i zi

Përgatitja:

Në një tigan të madh me gjalpë dhe vaj ulliri skuqim pak hudhrën, shtojmë kungujt dhe i kaurdisim për 3 minuta në zjarr mesatar. Shtojmë domatet e prera në kubikë dhe vijojmë me kaurdisjen. Largojmë hudhrën dhe rregullojmë shijen me kripë e piper. Në një tigan tjetër tresim pak gjalpë dhe hedhim vezët e rrahura lehtë. I trazojmë për 2-3 minuta, derisa të ngurtësohen. Kontrollojmë shijen për kripë dhe i vendosim vezët në një pjatancë. Shtojmë kungujt dhe domatet, i spërkatim me borzilok dhe e shërbejmë menjëherë të ngrohtë.

MC/ReportTv.al
Komento

Komente

  • Sondazhi i ditës:

    A mendoni se Shqipëria do bëhet anëtare e BE-së më 2030?