Ky insekt krijon një mbështjellje të dëmshme në degët e pishave, që çon deri në tharje të plotë të pemës. Pamjet tregojnë qartë dëmin e madh që ka shkaktuar në pyjet halorë të Krujës.
"Zonat e Mbrojtura të Qafështamës,përfshirë dhe Rrushkun e Durrësit rreth 2800 hektar shkon. Po i dëmton drurët pyjorë, ul gjendjen e tyre vegjetative në raste të veçante dhe deri në tharje të plotë", shprehet Muharrem Loka, inxhinier pyjesh.
Dy janë mënyrat për të luftuar sëmundjen e pishave. Ndërhyrja në terren, duke prere degët e thara ose dezinfektimi masiv nga ajri.
“Në praktikën tonë është zbatuar historikisht dhe në bregdet gjithmonë edhe në zonë e Qafështamës luftimi mekanik, heqja e qeskave mbasi ato janë formuar, bëhet pasi ato janë formuar, pas muajit nëntor-dhjetor në stinën dimërore", vijon Loka.
Asnjëra prej tyre nuk kryhet prej vitesh, ndaj pishat e reja po thahen njëra pas tjetrës në zonën e Mbrojtur të Qafështamës. Insektet madje mund ti hasësh lehtësisht edhe në anësoret e rrugës së parkut kombëtar. Jashtë kamerave specialistët e Zonave të Mbrojtura thanë se nuk kanë fonde për të luftuar procesionaren.
Komente
Hidhini ilac,,apo nuk ka????
PërgjigjuCdo vit ndodh e njejta gje: procesionarja ben punen e vet, pishat rezistojne sa munden, ne njerezit e thjeshte e shikojme dhe ndjejme keqardhje, ndersa AKBN apo ndermarjet pyjore bejne tendera e pervetesojne leket. Cikli perseritet cdo vit.
Përgjigju