Në 12 muaj e vitit që lamë pas, Inspektorati Shtetëror Shëndetësor, ka vendosur 72 gjoba për konsumim duhani në ambiente të mbyllura, siç vetë Inspektorati thotë në këtë kthim përgjigje për Report Tv.
Dokumenti/ Kthim i përgjigjes për Report Tv nga Inspektorati Shtetëror Shëndetësor
Shifra janë thuajse qesharake, krahasuar me situatën që gjithmonë e më shumë janë dëshmitarë shqiptarët, situatë e cila tregohet qartë edhe në pamjet e siguruara nga Report Tv. Madje zbatueshmëria e këtij ligji, në fuqi prej mbi 10 vitesh në vend, tregohet edhe nga këto pamje të publikuara në rrjetet sociale nga vetë bizneset, që nuk tregojnë asnjë kujdes për t’u ruajtur.
Nga vijimi i vëzhgimit të Report Tv, kryesisht në bar-kafe, të shumta janë ato, që e lejojnë duhanin të pihet lehtësisht, ndonëse janë të izoluara plotësisht me vetrata xhami, ndërkohë që ligji sanksionon që 2 prej 4 mureve duhet të jenë të hapura.
Për ekspertin dhe një prej hartuesve të ligjit anti-duhan, Roland Shuperka, jo vetëm që gjobat e ISHSH janë të pakta, por ka edhe diferencime se kujt i vendosin këto masa administrative.
“Është e papranueshme kjo situate. Organet ligjzbatuese duhet ta marrin situatën ne dore. Nuk zbatohet nëse bëjmë diferencime. Te gjitha subjektet para ligjit”, tha Shuperka.
Sipas Shuperkës, vendosja e gjobave me shuma të larta ka bërë që Inspektorati të ketë një fuqi të madhe, e cila lë hapësirë për abuzime.
““N.q.s. vendoset gjoba e pare 3milion te vjetra 6 milion apo 18 milion. Është çmenduri. I kane dhëne fuqi inspektorit. Një fuqi qe jo pak here e përdore për të bërë veprime të paligjshme. Vendosin gjoba te larta të cilat as nuk paguhen”, deklaron eksperti Roland Shuperka.
Në fakt që gjobat vilen me vështirësi na e thotë edhe përgjigja e Inspektoratit, që shkruan se gjatë gjithë vitit 2024 janë ekzekutuar vetëm 21 nga masat, të gjitha të vitit 2023, ndërsa nga 72 gjobat e vitit të kaluar janë të gjitha në proces.
Sipas të dhënave nga Banka Botërore, në Shqipëri, 38.8% e popullsisë konsumon duhan, një nga përqindjet më të larta të duhanpirësve në rajon. Kjo situatë vitet e fundit në Shqipëri vjen pas disa viteve që pati zbatim të kënaqshëm, ndërsa kujtojmë se në vendet e Evropës duhani ka filluar të ndalohet edhe në rrugët e qyteteve, siç është rasti i Milanos.
Komente
/LUI/ jam dakord me ju.Heqja e licenses dhe mbyllja e menjehershme e subjektit do te ishte zgjidhja me e mire,por do te ishte mire qe te shoqerohej kjo dhe me gjobe.Ndergjegjesimi nuk vlen.
PërgjigjuNe 2013 zbatohej...sot me keq.
PërgjigjuNdergjegjesim?! Shqiptari nuk di ndergjegjesim, sepse do ishim bere njerez nese do kishim ndergjegje. Shqiptari ka vetem frike. Keshtu qe mbushini me gjoba e sidomos me heqje licence dhe mbyllje aktiviteti se as gjoba nuk hyn me ne pune. Dhe gjobe duhet te kete edhe ai qe e pi duhanin, dhe jo vetem subjekti qe e lejon.
PërgjigjuNe Astir nuk gjene ambient ne lokale ku s'pihet duhan.
PërgjigjuNdërgjegjësimi bohet me gjoba plako
PërgjigjuShifni durresin skandal
PërgjigjuShqiperia me standarte europiane ne cdo aspekt...
Përgjigju