ALMATY, Kazakistan - Kairat Almaty fitoi të mërkurën 1-0 kundër Slovan Bratislavës në aktin e parë të turit të tretë kualifikues të Champions League. Ndeshja u vendos në minutën e fundit dhe për festën e vendasve u kujdes 16-vjeçari Dastan Satpaev.
Një nga talentet më të mëdha në Kazakistan dhe e ardhmja e futbollit në këtë vend, Dastan Satpaev mori përsipër penalltinë në minutën e fundit. Me një vetbesim për t'u admiruar, goditja ishte më shumë se e saktë duke e ndalur sferën në trekëndësh.
Kaq u desh që mediet të flisnin për të dhe besimin që klubi i Kairat i ka dhënë një 16-vjeçari, për ta kthyer në një yll ende në adoleshëncë. Këto do jenë ditët e fundit për të riun në vendlindje, pasi Chelsea e ka blerë për 2.4 milionë euro dhe do e aktivizojë në ekipin e 21-vjeçarëve si fillim.
Nuk është çudi që sulmuesin ta shohim shumë shpejt në "Stamford Bridge", pasi Enzo Maresca ka treguar se ka besim te aftësitë e të rinjve.
Nëse në Shqipëri vendi është mbushur me lojtarë nga shtete të huaja dhe talentet vendase nuk e shohin futbollin si një profesion, në Kazakistan një 16-vjeçar shënon në Champions League.
?? Dastan Satpaev (16) scores from the spot for FC Kairat against Slovan Bratislava in the UEFA Champions League Third Qualifying Round (1st leg).
— Kazakhstan Football Scout?? (@scout_kazakh) August 6, 2025
Being trusted to take such a high-pressure penalty at just 16 says a lot about his character - the club clearly believes in him. pic.twitter.com/ZAwCar6Cvz
Komente
