Sandro Tonali vijon të jetë i pezulluar me 18 muaj nga futbolli, megjithatë lojtari i Newcastle s'e ka lënë vesin e basteve dhe akuzohet se në vetëm tre muaj me anglezët në Premier League ka vendosur 50 të tilla.
Midis 12 gushtit 2023 dhe 12 tetorit 2023 mesfushori 23-vjeçar po hetohet nga Federata Angleze e Futbollit për baste edhe duke përfshirë e ekipin e tij. Bëhet fjalë për 50 të tilla, duke mos lënë vesin që kishte edhe te Milani, gjë që solli edhe skualifikimin.
Italiani ka afat deri më 5 prill për t’iu përgjigjur akuzave, gjë që mund të çojë edhe në zgjatjen e dënimit për mesfushorin që Newcastle e bleu nga Milani verën e kaluar.
Tanimë janë publikuar edhe pamjet kur Tonali merr me qëllim një karton të verdhë në Premier League, duke mos u zëvendësuar paçka se është më pak se 5 metër nga vija fundore dhe diçka e tillë i kërkohet edhe nga arbitri i katërt.
Tonali purposely getting a yellow card…
— george (@StokeyyG2) March 28, 2024
It’s not looking good…????????pic.twitter.com/AeLhGwwDRJ
