Armando Sadiku i ka dhënë një pikë skuadrës së Mohun Bagan. Për javën e 14-të të kampionatit indian, Mohuan Bagan barazoi 2-2 në shtëpi kundër Odisha, teksa ishte elbasanasi Sadiku që shkëlqeu me dopietë duke i dhënë një pikë të tijve.
Miqtë e Odisha kaluan në epërsinë e dy golave me Jahouh në minutat 31 dhe 45+3 në pjesën e parë. Kur u duk se Mohun i kishte humbur shpresat, Sadiku shkurtoi shifrat në të 58 minutë pas asistit të Nessirit. Më pas "in extremis", në minutën e 90+4 sërish sulmuesi i Kombëtares gjeti rrjetën e tretë sezonale për barazimin 2-2.
Kujtojmë se Sadiku ishte pjesë e Shqipërisë, i ftuar nga Sylvinho në transfertën e fituar 1-3 kundër Ishujve Faroe për kualifikueset e Euro 2024, duke luajtur disa minuta. Sulmuesi 32-vjeçar po përpiqet të fitojë formën dhe t'i "prishë mendjen" Sylvinhos për një ftesë në "Gjermani 2024".
Elbasanasi është i vetmi lojtar i Kombëtares që ka shënuar gol për kuqezinjtë në finalet e një Europiani, kjo në 2016 në fitoren 1-0 të tanëve kundër Rumanisë.
Komente
E meriton një shanc nga Sylvinjo ne Euro 2024.
Përgjigju