La Liga e futbollit në Spanjë vijoi të mërkurën edhe dy nga ndeshjet e radhës për raundin e shtatë. Girona barazoi 0-0, ndërsa Barcelona iu fal Lewandowskit për të marrë tri pikë.
Barça nuk e pati shumë të lehtë në shtëpi kundër Getafes, duke fituar vetëm 1-0. Duhej Robert Lewandowski në minutën e 19-të që vendasit të merrnin fitoren e shtatë në po kaq ndeshje, duke kryesuar La Ligan me 21 pikë të plota.
Raundin e radhës Barça luan në udhëtim me Osasunën, ndërsa rivalët e Real Madrid përballen në derbi kundër Atl. Madrid.
Komento
