FIER- Një video e publikuar në rrjet ku dy persona shfaqeshin me një luan brenda në banesë dhe një tretë që i filmon duke e trajtuar si mace shtëpiake ka vënë në lëvizje autoritetet shtetërore dhe tashmë pronari është vënë në hetim. Banesa ku mbahej luani është në fshatin Zharrëz të Fierit dhe pronari i identifikuar si Altin Ajdini është vënë në hetim në gjendje të lirë për veprën penale "Shkelja e karantinës së bimëve dhe kafshëve", që sipas ligjit dënohet me gjobë.
Pas publikimit të kësaj video në rrjetet sociale, Aajdini është pyetur në policin ë Fierit ku ka deklaruar se luanin në rrugë pranë Lushnjës dhe e ka mbajtur kafshën banesën e tij, për disa kohë. E çuditshme është deklarata e tij se tashmë kafsha ka ngordhur.
“Në përfundim të këtyre veprimeve u identifikua shtetasi që kishte në pronësi kafshën, A. H., 52 vjeç, banues në fshatin Zharrëz, për të cilin, pas konsultimit me prokurorin, nisi procedimi në gjendje të lirë për veprën penale "Shkelja e karantinës së bimëve dhe kafshëve", pasi dyshohet se e ka mbajtur kafshën, në banesë, në kundërshtim me rregullat.
Shtetasi A. H. ka deklaruar se kafshën e ka gjetur në Lushnjë, në rrugë, 6 muaj më parë, kur ajo ishte e vogël dhe e ka mbajtur në banesën e tij, për disa kohë. Më tej, ai ka deklaruar se para 1 muaji e gjysmë, kafsha ka ngordhur”, njofton policia e Fierit.
Aajdini ka deklaruar se kur e gjeti luanin ishte i vogël dhe mori në banesë dhe e trajtoi se kafshë shtëpiake, ndërsa në video dallohet qartë se ka kohë që e mban në banesë pasi luani është i rritur. Madje në një moment kafshon në qafë edhe një prej miqve të tij, ndërsa vetë pronari ndërhyn duke ia futur në shpullë.
Ndërkohë, po sipas tij, video është xhiruar shumë kohë më parë sepse ka deklaruar se luani ka ngordhur para një muaji e gjysmë dhe e ka hedhur në lumë.
Report Tv ishte në fshatin Zharrës, por asnjë prej banorëve që mund të kenë qenë edhe të rrezikuar një luan që mbahej si kafshë shtëpiake, nuk pranoi që të flasë me argumentin se nuk kishim informacion.
Banesa ku mbahej luani ishte i Ajdinit, ndërsa ky i fundit rezulton me precedent të mëparshëm penal, pasi burimet i thanë Report Tv se Ajdini ka qenë dy herë në burg. Njëherë në Shqipëri pasi së bashku me djalin e tij janë bërë pjesë e një vjedhje me armë në puset e naftës në vitin 2014, dhe për këtë vepër penale babe e bir janë dënuar me 8 vite burg. Ndërkohë, në burg Altin Ajdini ka qenë edhe jashtë shtetit.
Komente
E gjeti në rrugë ?... pse nuk njoftoi polizin,dhe ta dorëzonte ?...Ngordhi ?...në qoftë se ështē e vërtet,të tregoi vēndin ku e ka varrosur,dhe tē hetohet se,ka ngordhur vet,apo e ka vrar ?....
PërgjigjuO ctall bydhen me policin ky altini hajde deklarata hajde sa per te qeshur..shtet preshi polica trapa
Përgjigju