Premier League e futbollit në Angli mbylli raundin e 30-të. Në "Stamford Bridge" vendasit e Chelsea mposhtën 1-0 Tottenhamin në derbin e Londrës dhe rikthehen në pozitën e katërt, që do të thotë zona Champions. Nga ana tjetër Spurs kanë objektiv qëndrimin në PL.
Ndeshja nisi me raste për dy skuadrat, aty ku Jackson për vendasit kishte një shans të artë për golin e parë, por sfera u stampua në shtyllë. Më pas Tottenham pa nga sulmi dhe sfida u ekuilibrua.
Duhej minuta e 50-të që Cole Palmer të pasonte ëmbël nga krahu i majtë i sulmit dhe "i harruari" në zonë Enzo Fernandez të shënonte me kokë golin që vleu tri pikët. Për Chelsea më pas shënoi Caicedo, por që u anulua për pozicion jashtë loje. Të njëjtin fat edhe Sarr për Spurs, por goli u anulua për faull.
Pas 30 javësh, Chelsea me 52 pikë mban vendin e katërt, 21 më pak se Liverpool kryesues. Tottenham me 34 pikë mbetet në pozitën e 14-të, 14 pikë nga zona e rrezikut.
Komente
