Real Madrid humbi 1-0 me Valencian në transfertë, sfidë e vlefshme për javën e 35-të në La Liga. Dueli u vendos nga goli i Lopez në të 33 minutë, teksa vëmendjen e mori sulmi me baza racore kundër Vinicius Junior.
Sulmuesi i Real Madrid ra preh e një sulmi të pakuptueshëm racist nga thuajse gjithë stadiumi "Mestalla". Tifozët kanë bërtitur në kor "majmun", me miqtë që nuk i kanë mbajtur nervat duke reaguar edhe ndaj tifozëve.
Në fundin e ndeshjes vetë Vinicius u ndëshkua me karton të kuq, ndërsa trajneri Carlo Ancelotti ka reaguar ashpër. "Ishte një situatë shumë e rëndë, atmosfera ishte e keqe. E pyeta Vinin nëse donte të zëvendësohej, por edhe në atë rast ishte keq sepse i gjithë stadiumi ishte përfshirë nga koret raciste. Unë jam trajneri dhe lojtarët duhet t’i zëvendësoj nëse nuk janë mirë apo për arsye teknike, jo për racizëm.
Nuk kisha para kurrë më parë diçka të tillë, ishte e papranueshme dhe Liga spanjolle ka një problem madhor. Vinicius nuk është problemi, ai është viktima. Nuk mund të luash futboll në një atmosferë të tillë, kështu do të flisja edhe në rast fitoreje. Në fund e ndëshkuan edhe me karton të kuq, jemi në vitin 2023 dhe racizmi nuk duhej të ekzistojë”, u shpreh Ancelotti.
Në fundin e ndeshjes braziliani doli me karton të kuq nga loja, ndërsa ka reaguar ashpër duke thënë se ai është viktima e një ngjarje absurde.
Komente
