Ky është momenti kur ish-kryebashkiaku i Vorës, Agim Kajmaku është vënë në pranga dhe është shoqëruar për në qeli nga forcat e rendit të Italisë, karabinierët dhe Guardi di Finanza. Report Tv ka siguruar ekskluzivisht videon e shoqërimit të tij nga 4 makina. Siç duket edhe nga pamjet Kajmaku është prangosur pranë biznesit të luleve, ku Kajmaku ndërronte vazot dhe i mbushte me drogë.
Ish kryebashkiaku i Vorës, Agim Kajmaku u arrestua nga policia italiane për trafik droge më 27 maj të 2022. Kur u kap me 20 kg kokainë në zonën e San Benedetto del Tronto, Kajmaku ishte së bashku me nipin e tij. Dajë e nip, njëri banues në Itali dhe tjetri në Shqipëri akuzohen për trafikimin e lëndëve narkotike.
Agim Kajmaku u zgjodh në krye të Bashkisë Vorë në zgjedhjet e 30 qershorit 2019, por u denoncua nga PD se kishte fshehur dënimin në Greqi për falsifikim parash dhe se kjo nuk ishte deklaruar në formularin e dekriminalizimit. Fillimisht kjo u mohua prej tij, por më pas u vërtetua nga prokuroria e Tiranës përmes një letërporosie dërguar autoriteteve greke se ai ishte në kërkim në 2003 për falsifikim të kartëmonedhave dhe nuk ishte arrestuar pasi kishte ikur në Shqipëri.
Lajm në përditësim...
