Besiktasi ia doli të mposhtë 2-0 Kirklarelispor në raundin e dytë të Kupës së Turqisë. Kontribut të madh në këtë sukses për ekipin nga Stambolli dha Ernest Muçi me një supergol dhe Milot Rashica me asist.
Në minutën e 62-të, Muçi lëvizi bukur nga e djathta dhe pasi kaloi një kundërshtar, lëshoi një gjuajtje të bukur me të majtën, e cila u ndal në rrjetë. 23-vjeçari ishte titullar dhe luajtur deri në minutën e 73-të, kur u zëvendësua nga Milot Rashica. Edhe sulmuesi i Kosovës ishte vendimtar me asist në minutën e 79-të, te goli i shënuar nga Joao Mario.
Muçi realizoi golin e parë në Kupën e Turqisë dhe e rriti numrin e golave këtë sezon në 6. Lojtari shqiptar, i cili shënoi kundër Antalyaspor, Galatasaray, Kasımpasa dhe Rizespor në Superligë, tundi dhe rrjetën e Malmo në Europa League.
Muci'nin golü.#BJKvKIR pic.twitter.com/zrQQReuWuv
— Haber Kartalı (@HaberKartali) February 4, 2025
Komente
