Valon Et'hemi ka shënuar golin e tretë në elitën e Turqisë me Istanbulspor. Për javën e nëntë në Superligë, skuadra e shqiptarëve humbi 1-2 me Ankaragucu në shtëpi, teksa për Istanbulspor golin e vetëm e gjeti shqiptari i Maqedonisë së Veriut. Ka qenë minuta e 55 e takimit kur Et'hemi do përfitonte në zonën kundërshtare nga pakujdesia e mbrojtjes mike.
Goli me kokë i shqiptarit nuk është mbajtur dot nga Istanbulspor, që ka pësuar në fundin e takimit me Ali Sowe. Ish-sulmuesi i Skënderbeut në Superligën shqiptare gjatë sezonit 2017-18 ka shënuar golin e dytë për Ankaragucu, duke i dhënë tri pikë. Në tetë duele Istanbulspor ka koleksionuar tetë pikë për vendin e 13-të në tabelë. Në fushë për skuadrën nga Stambolli luajtën edhe Rroca, Topalli dhe Guri.
