Manchester City s’i ka diskutuar tre pikët në përballjen me Aston Villan edhe pse kjo e fundit këtë sezon ka surprizuar me ecurinë fantastike. ‘Qytetarët’ ia arritën të fitonin 4-1 në shtëpi falë një super performance të Phill Foden. Megjithatë fillimisht realizoi Rodri dhe më pas barazoi përkohësisht Duran.
Brenda pjesës së parë Foden do kalonte ekipin e Guardiolës në avantazh, duke realizuar me goditje dënimi. Në pjesën e dytë, talenti i madh anglez, gjeti edhe dy herë të tjera rrugën e rrjetës, duke vulosur shifrat përfundimtare.
Tre pikët mori edhe Arsenal, që ashtu si Manchester City, janë pretendentë për titullin në Premier League. “Topçinjtë” mposhtën me rezultatin e pastër 2-0 Lutton në Londër. Fillimisht realizoi Odegard dhe më pas erdhi një autogol. Kjo fitore e riktheu Arsenalin të paktën përkohësisht në vendin e parë me 68 pikë, 1 më shumë se Liverpooli që luan sonte kundër Shefield United dhe po 1 pikë më shumë se Manchester Cityt të vendit të tretë.
Në Itali, në gjysmëfinalen e parë të Kupës, Fiorentina ia doli të thyejë 1-0 Atalantën e Gjimshitit. Golin e vetëm të sfidës e realizoi Madragora në minutën e 31, por gjithsesi kjo përballje për të përcaktuar finalistin zgjidhet përfundimisht me 24 prill, kur në Bergamo të luhet gjysmëfinalja e kthimit.
Në Gjermani Bayern Leverkusen nuk njeh kundërshtarë dhe nuk e ka ndërmend të ndalet. Në gjysmëfinalen e Kupës të besuarit e Xabi Alonsos fituan thellë 4-0 kundër Duseldorf. Golat erdhën nga Frimpong, Adli dhe Ëirtz i cili realizoi ‘dopietë’. Në finale Leverkusen do përballet me Kaiserslauten.
