ITALI - Serie A nisi raundin e 31-të. Mbrëmjen e së premtes në "Ferraris" vendasit e Genoas fituan 1-0 kundër Udineses, teksa miqtë pësojnë humbjen e tretë radhazi.
Nën një atmosferë të zjarrtë nga tifozët, sfida nisi në ekuilibër dhe pjesa e parë u mbyll pa gola paçka rasteve. Dueli u vendos në minutën e 77-të nga goli i Alessando Zanolit. Anësori i sulmit përfitoi nga një aksion i të tijve dhe u gjend në kohën dhe vendin e duhur për të lëshuar një "predhë" që u ndal në fundin e rrjetës.
Në shtesën e katërt miqtë nga Udine barazuan ndeshjen me Modeston, por VAR ndërhyu dhe goli u anulua për pozicion jashtë loje. Genoa me këtë sukses shkon në kuotën e 38 pikëve për vendin e 12-të, ndërsa Udinese me 40 pikë mbetet në vendin e 10-të.
Komento
Komente
