La Liga e futbollit në Spanjë mbyll javën e 26-të. Në Katalonjë, Girona fitoi pastër 3-0 kundër Rayo Vallecanos, duke bërë që të renditet sërish në vendin e dytë pas Real Madridit, duke parakaluar kështu Barcelonën.
Pjesa e parë ishte e bardhë dhe pa gola, me fraksionin e dytë që nisi me realizimin e ukrainasit Tsygankov në të 52 minutë. Rayo Vallecano me Ivan Balliun si titullar u përpoq të barazonte, por fundi foli për vendasit.
Ishte Savio që në minutën 90+1 dhe 90+5 shënoi dy gola të shpejtë për të mbajtur Gironan në vendin e dytë, gjashtë pikë pas Real Madridit.
Kjo ishte sfida numër 100 e Ivan Balliu me fanellën e Rayo Vallecanos, me madrilenët e vegjël që uruan në kanalet e komunikimit mbrojtën e kombëtares shqiptare.
Komento
