Ernest Muçi ka shënuar gol pas dy muajsh në Turqi. Sulmuesi i Kombëtares kaloi Besiktasin në epërsi, por Goztepe përmbysi 1-3 'Shqiponjat' e Stambollit dhe i eliminoi nga Kupa.
Me Muçin nga minuta e parë në fushë, Besiktas gjeti golin pas 30 minutave lojë. Një aksion i shpejtë dhe pasimi final i Rafa Silvës bënë që 24-vjeçari mos e kishte të vështirë të mposhtte portierin Ozcimen.
Paçka golit, Besiktas nuk mundi të mbante avantazhin dhe u përmbys 1-3 nga Goztepe. Ishte Romulo Cardoso me tripletë në minutat 38-të, 79-të dhe 81 që i dhanë të drejtë Goztepe të kalonte në gjysmëfinalet e Kupës aty ku gjen Trabzonspor.
Për Ernest Muçin ky ishte goli i shtatë këtë sezon dhe i dyti në Kupën e Turqisë. Sulmuesi ishte pjesë e Kombëtares në dy ndeshjet e marsit, por trajneri Sylvinho nuk e preferoi asnjë minutë.
Beşiktaş'ın, Ernest Muçi ile bulduğu gol ?
— TRT Spor (@trtspor) April 3, 2025
? @atvcomtrpic.twitter.com/8MHGZgryYd
Komente
