Varazdin po fiton 3-1 me Osijek për javën e 14 në elitën e Kroacisë. Te vendasit golin e dytë e shënoi Agon Elezi, mesfushori 21 vjeçar. Djaloshi ndoqi bukur një goditje dënimi për të shtyrë topin në portën e boshatisur. Në minutën e 35 ish-lojtari i Skënderbeut mbylli llogaritë e sfidës.
Të parët që kaluan në avantazh ishin miqtë e Osijek me Kleinheistler në minutën e 18, për t'u përmbysur më pas nga Posavec, Elezi dhe Teklic. Ky është goli i tretë për shqiptarin nga Maqedonia e Veriut këtë sezon me Varazdin. Me kontratë deri në 2024, Elezi u bashkua me kroatët verën e 2020 dhe e ka sezonin e tretë që luan titullar në mesin e fushës. Mbrojtësi tjetër shqiptar Jorgo Pëllumbi është në stol për Varazdin.
Komento
