Istanbluspor fitoi 2-1 me Alanyaspor për javën e 23 në Superligën e Turqisë. Skuadra nga Stambolli iu fal shqiptarëve në këtë përballje, teksa merr tri pikë me vlerë në garë për mbijetesën në elitën e futbollit turk.
Pjesa e parë nuk prodhoi gola, teksa në të dytën u shënuan tre të tillë. Minuta e 67 ishte vendimtare për Valon Et'hemin, që pas asistit të Rrocës kaloi topin mbi portierin mik me një parabol të bukur. Vetëm katër minuta më pas, Alanyaspor barazoi me Cavaliero.
Duhej e 77 minutë kur shqiptari tjetër Loshaj "do gatuante" për Gultekin, me këtë të fundit që nuk do gabonte para portës. Me këtë tri pikësh Istanbulspor mban vendin e parafundit në klasifikim, teksa është vetëm një pikë nga zona e shpëtimit.
Edhe njëherë shqiptarët kanë treguar se janë deçizive te ekipi nga Stambolli, duke dhënë kontributin e tyre për fitoren. Kujtojmë se Eduart Rroca mban në krah edhe shiritin e kapitenit.
