Cesena fitoi 5-2 kundër Riminit në raundin e gjashtë për grupin B në Serinë C të futbollit në Itali. Një nga golat për vendasit e shënoi Cristian Shpendi, sulmuesi i Kombëtares U-21 të Shqipërisë.
Djaloshi 20-vjeçar gjen golin e pestë këtë sezon, ndërsa shënon për ndeshjen e katërt radhazi. Pas dopietës së javës së shkuar, Shpendi tanimë vijon të gjejë rrugën e rrjetës.
Me këto cilësi të treguara, Kristiani është në rrugën e të vëllait binjak, Stivenit, që këtë verë la Cesenën dhe u bashkua me Empolin në Serinë A.
Komento
