Një i dënuar me burg përjetë është arratisur nga burgu i Pensilvanisë, SHBA, ndërsa e gjithë skena është kapur në kamera.
Autoritetet amerikane janë vënë në kërkim të Danelo Cavalcante, 34-vjeç, nga Brazili, i cili arriti të largohej të martën nga burgu dhe sipas disa raportimeve, po fshihet në një zonë me pyje të dendur rreth 3 kilometra larg burgut.
Cavalcante ishte i dënuar me burgim të përjetshëm, pasi ishte shpallur fajtor vetëm një javë më parë për vrasjen e ish-të dashurës së tij. Në pamjet e publikuara nga vetë burgu i kontesë, braziliani shihet teksa ngjitet në mënyrë akrobatike në murin e oborrit të burgut, për t’u zhdukur më pas nga kamera dhe nga burgu, raporton CNN.
Pas arratisjes së tij, policia ka këshilluar banorët të sigurojnë që dyert dhe makinat e tyre që të jenë të kyçura.
34-vjeçari u dënua për vrasje më 16 gusht në vitin 2021, pasi vrau ish-të dashurën e tij 33-vjeccare me thikë.
Që kur Cavalcante u arratis, motra e Brandao ka thënë se ajo ka jetuar me frikën se çfarë mund t'u bëjë ai dy fëmijëve të motrës së saj, të cilët janë nën kujdesin e saj.
Cavalcante gjithashtu kërkohet për një rast vrasjeje të vitit 2017 në Brazil, në vendin e tij të lindjes, ka thënë një zyrtar i Shërbimit të Marshallëve të SHBA .
Masa të tjera ndaj burgut janë në shqyrtim duke përfshirë edhe shtimin rojeve në oborrin ku dalin të burgosurit.
