SHBA - Kreu i FIFA-s, Gianni Infantino vizitoi presidentin Donald Trump në Shtëpinë e Bardhë në Washington. Gjithçka vjen pasi SHBA do organizojë finalet e Kupës së Botës për Klube këtë verë.
Veç diskutimeve, një moment pikant ishte edhe prezantimi i trofeut për fituesin e finales. Infantino dukej i lumtur t'i tregonte presidentit të SHBA-ve se ky trofe ishte unik dhe hapej me një çelës.
Trump u duk i habitur dhe nuk e fshehu këtë gjë, teksa ka kërkuar që gjithçka të shkojë në mënyrë sa më të mirë.
Një tjetër pikë e këtij takimi ishte edhe Kupa e Botës, e cila do të mbahet në Meksikë, SHBA dhe Kanada. Për të garantuar mbarvajtjen e këtij kompeticioni, i cili do të luhen në verën e 2026-ës, presidenti Donald Trump firmosi një dekret falë të cilit do të ngrihet një 'Task Forcë', i cili do të merret me mbarëvajtjen e këtij kompeticioni.
“Do të jetë një event i madh mendoj unë. Të gjithë e njohin Gianni Infantinon. Është një lloj mbreti i futbollit, në njëfarë mënyre. Dhe ai na ndihmoi që këtë event ta organizonim ne. Dhe ne do të bëjmë një punë fantastike, e që tifozët të ndihen si në shtëpi. Hera e parë që organizohet në këtë pjesë të botës dhe është nder. Tensionet me Kanadanë e Meksikën? Janë gjë e mirë, do ta bëjë këtë më emocionuese”, tha Trump.
Në Kupën e Botës 2026 do të marrin pjesë 48 skuadra. Eventi do të organizohet nga 11 qershor deri në 19 korrik 2026. Përpara kësaj, SHBA duhet të kalojë testin me Kupën e Botës për Klube.
US President Donald Trump & FIFA President Gianni Infantino present the FIFA Club World Cup Trophy. ? ?
— CFCDaily (@CFCDaily) March 7, 2025
pic.twitter.com/LHWCeNg51p
Komente
