Më shumë se 1 ton kokainë, me një vlerë rreth 135 milionë euro, është sekuestruar në portin rus të Shën Petersburgut gjatë kontrollit të thasëve me kafe që vinin nga Belgjika.
“Më shumë se 1200 kilogramë drogë, vlera e së cilës në tregun e zi i kalon 13 miliardë rubla (rreth 135 milionë euro) u kap në portin kryesor të Shën Petersburgut, në pjesën veriperëndimore të Rusisë”, thuhet në njoftim.
Pakot me kokainë ishin vendosur në thasë me kafe që vinin nga Antwerp, Belgjikë. Sipas njoftimit, ka nisur një hetim për trafik droge në shkallë të gjerë, raportojnë mediat greke.
Ky është sekuestrimi i dytë në Shën Petersburg në më pak se një muaj. Në fillim të muajit janar, më shumë se një ton kokainë u kap në një kontejner që po transportohej në Rusi nga Nikaragua, sipas autoriteteve doganore ruse.
Russia: 1,200kg of cocaine seized at the port of Saint Petersburg in a container that arrived from Belgium carrying coffee. Valued at nearly $150 million. The FSB hit another jackpot and you can be certain they'll make all that money now by selling the drugs. pic.twitter.com/n0TOGIKMtO
— Igor Sushko (@igorsushko) January 24, 2024
