Real Madrid fitoi dje 4-0 me Elche, në kuadër të javës së 21-të në La Liga. Dueli i zhvilluar në mbrëmje foli për vendasit, me përballjen që ishte e prapambetur pas angazhimit të madrilenëve në Kupën e Botës për Klube, aty ku dolën edhe triumfues.
Në sfidën e djeshme, Real nuk e vendosi asnjëherë në diskutim fitoren. Asensio në minutën e tetë, Benzema me dopietë në minutat 31 dhe 45+1 si edhe Modric në të 80 minutë vendosën shifrat në 4-0. Tanimë djemtë e Ancelottit janë në vendin e dytë të klasifikimit, tetë pikë pas Barcelonës kryesuese.
Gara për titullin kampion në La Liga këtë sezon duket e ethshme, me Realin dhe Barçën që po konkurrojnë në çdo përballje, teksa janë katalanasit ata që me fitoren në “El Clasico” thelluan edhe më shumë diferencën dhe nisën shkëputjen për kreun e renditjes.
