POLONI - Juljan Shehu, mesfushori që pak javë më parë debutoi me Kombëtaren ka shënuar golin e radhës në Poloni. Skuadra e tij Widzew Lodz fitoi 2-0 kundër Lechia Gdansk për raundin e 27-të në elitën e futbollit të këtij vendi.
Shehu zhbllokoi sfidën në minutën e 39-të. Një pasim në zonë bëri që 26-vjeçari ta kontrollonte bukur dhe me një goditje të saktë i dha epërsinë të tijve. Më pas Alvarez dyfishoi në fundin e pjesës së parë.
Duket se Shehu ka "rilindur" pas ftesës nga Sylvinho dhe në dy javët e fundit ka shënuar dy gola, duke e dërguar numrin e realizimeve në tre, në 26 sfida të luajtura këtë sezon.
Komento
Komente
