Granit Xhaka dhe përplasja me tifozët

Sport

VIDEO/ Leverkusen eliminohet nga Kupa e Gjermanisë, Granit Xhaka përplaset me tifozët! Ekipi i Kategorisë së Tretë në finale

2 Prill, 09:51| Përditesimi: 2 Prill, 09:56

  • Share

Bayer Leverkusen është eliminuar në gjysmëfinalet e Kupës së Gjermanisë. Pas ndeshjes Granit Xhaka ka shkuar te tifozët dhe ka dhënë shpjegime për formën e "Aspirinave", ndërsa ka pasur një përplasje mes tyre, me gjakrat që u ulën pasi nga pasioni gjithçka mund të kthehej edhe në një përleshje fizike.

Kampionët në fuqi të Gjermanisë, Bayer Leverkusen u surprizuan dhe humbën 2-1 nga Arminia Bielefeld, që paçka historisë dhe emrit të dëgjuar gjendet në Kategorinë e Tretë të futbollit në Gjermani.

Ishte Leverkusen që kaloi në epërsi me Tah pas 17 minutave lojë, ndërsa Arminia përmbysi me Uorl dhe Grosser që në pjesën e parë. Djemtë e Xabi Alonsos kërkuan golin e dytë, diçka e tillë nuk ndodhi.

Paçka se luajnë në Ligën e Tretë, Arminia Bielefeld kanë eliminuar katër skuadra të Bundesligas gjatë këtij sezoni në Kupën e Gjermanisë. Union Berlin, Freiburg, Uerder Bremen dhe Leverkusen janë ekipet e eliminuara.

Granit Xhaka përplaset me tifozët

Pas eliminimit nga Kupa, Granit Xhaka shkoi te tifozët e Bayer Leverkusen për t'i kërkuar falje. Situata nuk ishte aq e qetë, me mesfushorin që u përplas verbalisht me tifozët dhe nga pamjet duket që nëse nuk do nderhynin mbështetësit e tjerë, gjithçka mund të sillte një përleshje fizike.

S.Dh/ReportTv.al
Komento

Komente

  • Sondazhi i ditës:

    Trump tarifa doganore 10 për qind Shqipërisë, sa ndikon në ekonomi?