Në "London Stadium" vendasit e West Ham u mposhtën 0-5 nga kryesuesit e Liverpool që thellojnë diferencën me ndjekësit. Ekipi i Arne Slot me Momo Salah treguan nivel të lartë loje, teksa nuk munguan as supergolat. Takimi u zhbllokua nga Diaz pas 30 minutave lojë, ndërsa Gakpo dhe Salah shënuan edhe dy herë të tjera brenda fraksionit të parë të lojës.
Në 45 minutat e dyta Alexander-Arnold dhe Diogo Jota u kujdesën që të dhuronin dy supergola për rezultatin final 0-5. Shkëlqen Salah me një gol dhe dy asiste në këtë takim, teksa egjiptiani me këtë performancë është kandidat për "Topin e Artë" vitin që vjen. 18 paraqitje, 17 gola dhe 13 asiste këtë sezon për Salah në Premier League.
Me 45 pikë Liverpool prin renditjen, ndërsa ndiqet nga Nottingham me tetë pikë më pak. Arsenal dhe Chelsea plotësojnë katërshen e parë.
Lajmi kryesor:
GOLAT/ Liverpool 'shuplakë' West Hamit, 'arratiset' në krye të Premier League! Armando Broja nga minuta e parë, Everton humbet! Man. City del nga kriza
S.Dh/ReportTv.al
