Manchester United u treguan më dinakë se 'Dhelprat' e Leicester dhe kalojnë në 1/8 e FA Cup. Në "Old Trafford" skuadra e Ruben Amorim përmbysi 2-1 Leicesterin dhe merr biletën për në turin e radhës.
Dueli ishte me raste në të dyja portat, teksa pjesa e parë u mbyll 0-1 për Leicesterin falë golit të De Cordova në minutën e 42-të. Në fraksionin e dytë, vetëm katër minuta pasi u fut në fushë Zirkzee vendosi ekuilibrat.
Fundi ishte dramatik pasi Harry Maguire shënoi golin e fitores për Manchester United në minutën e tretë shtesë. Krosimi i Fernandes u shfrytëzua mirë nga Maguire që shënoi me kokë.
Edhe pse në përsëritje duket që mbrojtësi është më i avancuar dhe në pozicion jashtë loje, anësori nuk e ka parë diçka të tillë dhe në mungesë të VAR, United kalon më tej me një gol që në ishull ka hapur shumë polemika.
Komente
