Ish-kapiteni i Partizanit, Eneo Bitri ka shënuar golin e parë me skuadrën e Cracovia në Poloni. 27-vjeçari u bashkua me polakët në merkaton e dimrit nga Valarenga (Norvegji), me Cracovia që ka të drejtën e blerjes në fundin e sezonit për 450 mijë euro.
Këtë të shtunë, në sfidën e raundit të 25-të në elitën e futbollit polak, barazuar 2-2 kundër Widzew Lods, beratasi ka shënuar emrin në listë e goleadorëve. Vetëm pas dhjetë minutash Bitri ka kërcyer mbi të gjithë dhe ka realizuar me kokë golin e parë të ndeshjes, me duelin që në fund u mbyll barazim.
Kujtojmë se Bitri ka luajtur për Tomorin, Partizanin, Kamzën, Astanën, Banik Ostrava, Valerenga dhe së fundmi Cracoiva. Ai është aktivizuar në tre takime me Kombëtaren A të Shqipërisë.
Komento
