Milani fitoi 1-0 me Sassuolon në "San Siro". Të besuarit e Piolit nuk zhgënjyen para tifozëve të tyre dhe për javën e 18-të dhe të fundit në Serie A për 2023 siguruan tri pikë me vlerë. Pjesa e parë e ndeshjes nuk mundi të zhbllokohej, paçka se kuqezinjtë patën një mundësi të mirë. Në fraksionin e parë të lojës, Sassuolo rrezikoi me Nedim Bajramin, me fantazistin e Kombëtares që provoi nga jashtë zonës, por pa sukses. Goli i vetëm i ndeshjes u shënua nga Pulisic në minutën e 59-të të ndeshjes. Një pasim i Bennacer bëri që amerikani mos falte përballë Consiglit. Me 36 pikë, Milani e mbyll këtë vit në vendin e tretë, teksa Sassuolo me 16 pikë është larg pritshmërive, duke mbajtur pozitën e 16-të.
Lajmi kryesor:
GOLAT/ Juventusi mund 1-0 Romën dhe ndjek Interin në krye të Serie A! Milani mposht 1-0 Sassuolon, Atalanta fiton ndaj Leçes
S.DH/ReportTv.al