MOSKË - Mirlind Daku është 'vrasës' para portës dhe sulmuesi i Kombëtares e ka treguar këtë edhe sot, duke shënuar dy gola që në pjesën e parë për Rubin Kazan. Për raundin e shtatë të kampionatit rus të futbollit, Rubin Kazan udhëtoi drejt Moskës ku u përball me Orenburg.
Mirlind Dakut iu deshën vetëm 16 minuta lojë për të shënuar golin e parë. Një pasim nga Iwu, bëri që Daku mos mendohej dy herë dhe me të majtë ia la sferën pas krahëve portierit Staver. Golin Daku ia dedikoi gjyshit që i ndërroi jetë vetëm një ditë më parë, duke mos mund t'i mbajë lotët.
Sërish Daku në minutën e 34-t shënoi golin e dytë, këtë herë me të djathtën nga brenda zonës. Dhjetë ndeshje ka luajtur Daku deri tani këtë sezon duke shënuar shtatë gola mes Kupës dhe kampionatit.
Sulmuesi bashkohet të hënë me Kombëtaren dhe golat e tij kanë "ngrohur" Sylvinhon, para ndeshjeve të Kombëtares, më 4 shtator kundër Gjibraltarit në një miqësore dhe më 9 shtator kundër Letonisë në Tiranë për Grupin K kualifikues të Kupës së Botës.
⚽ Another brilliant goal from Mirlind Daku with his left foot.
— Albanian Football Scout ?? (@FootballAlbXI) August 30, 2025
? As you can see a very emotional Daku after his grandfather died yesterday. pic.twitter.com/KMga1P6BL9
Komente
Tapo na bahen me komtaren 2 shutera qe gjujn porten prej larg ASANI e DAKU.
PërgjigjuLa nam
Përgjigju