Ky është momenti prekës kur një çift të fejuarish detyrohen t’i thonë lamtumirë njëri-tjetrit pasi u ndanë për shkak të një çështjeje që lidhet me ligjet britanike të emigracionit.
Daily Mail shkruan, se ndërkohë që për shumë britanikë Aeroporti i Birminghamir është pikënisja për një udhëtim të bukur, dje ai u kthye në një dramë për një çift, kur Richard Broën dhe Christy Manganti u detyruan të ndahen.
Një video mallëmngjyese e bërë jashtë aeroportit, shfaq teksa çifti e sheh në sy njëri-tjetrin dhe teksa thonë fjalët e fundit përpara se Manganti të dëbohet për në Filipine.
Brown, 54-vjeç tha: 'Ishte kaq trishtuese ta shihje atë teksa e largonin rojet e sigurisë, të cilët i dhanë pasaportën që të ikte”.
Çifti i lumtur ishin njohur në internet në rrjetin social Badoo dhe disa javë më pas filipinasja ishte zhvendosur në Angli.
39-vjeçarja kishte shkuar nga Filipinet në Angli bashkë me motrën e saj, me kunatin dhe dy mbesa në gusht për të punuar si dado e motrës së saj.
Ajo e kishte shkelur tolën britanike me një vizë pune, e cila zgjaste gjashtë muaj dhe që për rrjedhojë kishte përfunduar në shkurt.