Zelimkhan Abakarov është fituesi i medaljes së artë për Shqipërinë në mundje. Gjatë turneut "Polyák Imre & Varga János Memoria" që po zhvillohet në Hungari, çeçeni i natyralizuar si shqiptar ia doli të marrë medalje ari në peshën deri në 61 kilogramë.
Abakarov mposhti në finale kazakistanasin Ossimzhan Dastanbek, duke fituar 4-1. Përballja finale nuk u diskutua nga sportisti që mbron ngjyrat kuqezi, teksa dominoi kundërshtarin në tapet. Në gjysmëfinale Abakarov kaloi Vladimir Kudrin e Kazakistanit, ndërsa bëri mirë në këtë turne.
Sportisti kuqezi në provën gjenerale para Botërorit të Serbisë që zhvillohet pak javë më vonë, ia doli të marrë medalje të artë, teksa në Serbi pret të marrë pikë edhe për në Olimpiadën "Paris 2024".
Sportisti tjetër që përfaqësoi Shqipërinë në këtë event, Islam Dudaev siguroi medaljen e bronztë në peshën deri 65 kilogramë në stilin e lirë të mundjes.
Komente
“Mjeshterit” e ilir metes nder 4 ????3 jane mjeshtra te medhenj
PërgjigjuAs fjale, as lakmitar, aspas mendjemadh... Ky njeri po ben histori per ne. Vetem fiton dhe nuk ankohet e qarravitet si keta "mjeshtrit" tani. Ky eshte i heshtur dhe fitues, i qete dhe dominues. Iku koha e Pirros Dimas me shoke. Rrofte Shqiperia jone me kampjone.
PërgjigjuKe te drejte, faleminderit ketij djali!