Legia po fitoi 2-1 në Varshavë gjatë pjesës së parë kundër kryesuesve të Rakou, për ndeshjen e javës së 26-të në elitën e futbollit polak. Nga minuta e parë këtë duel e ka nisur edhe Ernest Muçi, sulmuesi shqiptar i vendasve. Djaloshi ka lënë gjurmë në këtë duel, duke asistuar në golin e parë dhe të avantazhit.
Një pasim nga e majta e sulmit nga Muçi, bëri që Pekhart të shënonte për 1-0. Më pas Legia gjeti edhe golin e dytë me Augustyniak, teksa miqtë shkurtuan me Nouak.
Duke qenë se kjo ndeshje vendos përballë vendin e parë dhe të dytë në elitën e futbollit polak, shumë vëzhgues nga klube si Inter, Southampton apo edhe greke janë në stadium për të parë elementët që mund të spikasin.
Në të tilla kushte, Muçi e la gjurmën e tij duke asistuar qysh pas 15 minutave lojë.
