Ylli i muzikës latine Ricky Martin, ka dhuruar një performancë të magjishme dhe të paharrueshme për publikun shqiptar, mbrëmjen e shkuar në sheshin ‘Skënderbej’.
Nën tingujt e muzikës latine dhe nën atmosferën e paparë që u kriju në kryeqytet, dashamirës të muzikës shijuan cdo moment nga koncerti që zgjati më shumë se dy orë.
Këngëtari i njohur spanjoll, ka kënduar përballë një publiku të shumtë në numër, të cilët mezi e kanë pritur magjinë dhe atmosferën e tingujve të muzikës latine.
Artisti i cili ka kënduar për publikun këngët e tij më të njohura si ‘Livin la vida loëa’ apo ‘Un, dos, teres, Maria’, shprehu dashurinë dhe vlerësimin e madh për vendin tonë, duke e cilësuar si një ‘vend të bekuar’ teksa premtoi se kjo nuk do të ishte hera e fundit që do të vinte në Shqipëri.
Ylli i muzikës latine befasoi fansat e tij gjatë performancës elektrizuese, ku foli shqip duke i thënë të gjithë publikut: “Ju dua Tirana”.
Mirëpo një ndër momentet më emocionuese të koncertit ishte kur një fans i artistit i dhuroi atij flamurin ‘kuq e zi’ të cilin Ricky e mori menjëherë në skenë duke e mbështjellë rreth vetes, teksa nuk la pas pa bërë dhe simbolin e shqiponjës dykrenare me duar.
Komente
U kenaqem me kenget tuaja.Te lumte goja !Rruge te mbare e mire ardhesh.Ishalla kur te vish t'i gjejsh ne burg te korruptuarit e djeshem me Sali Berishen,Meten,Moniken ,Bardhin ,Bashen,etj.dhe qeveritaret e sotem me komandantin e tanishem A Ahmetaj.Keta do te mbushin kampin e Recit ne Shkoder dhe do te te paguajme qe te shkosh e te japish nje koncert per ndere te tyre,si hajdutet dhe me te korruptuarit e popullit tone.Mire ardhesh e u pafshim me hajr !
Përgjigju