Prishtina dhe Trepça janë duke luajtur finalen e Superkupës së Kosovës në basketboll për meshkuj. Në Prishtinë tifozeritë e dy skuadrave janë përleshur masivisht, teksa nuk kanë munguar sendet e forta dhe mjetet piroteknike në drejtim të njëri-tjetrit.
Në fundin e pjesës së parë, me lojtarët që nga parketi u drejtuan për në dhomat e zhveshjes të dyja tifozeritë janë përleshur mes tyre teksa është dashur ndërhyrja e forcave të policisë që situata të qetësohej.
Plisat dhe Torcida e kanë tepruar me sharjet dhe sendet e forta mes tyre, teksa nuk dihet nëse finalja do vijojë me të gjithë tifozët në shkallët e Pallatit të Sportit në Prishtinë.
Komento
