SPANJË - Përleshje të dhunshme shpërthyen në qendër të Valencias të shtunën (9 Nëntor 2024) mes mijëra qytetarë – sipas raportimeve, 130 mijë – dhe policisë, gjatë një proteste ku kërkohej dorëheqja e Carlos Mazón, guvernatorit të rajonit, i cili akuzohet nga qytetarët për menaxhimin e dobët të situatës pas përmbytjeve biblike që goditën rajonin më 29 tetor.
Përmbytjet e tetorit lanë shkatërrime të mëdha në rreth 80 bashki dhe protestuesit argumentojnë se mungesa e protokolleve efektive të emergjencës e përkeqësoi tragjedinë.
Ndërsa bilanci i viktimave vazhdon të rëndohet, deri tani janë konfirmuar 223 viktima, ndërsa vazhdojnë kërkimet dhe për disa të zhdukur.
Komento
