Vështirësia për të folur një shqipe të pastër, sinqeriteti i tepruar apo edhe zhgënjimi nga loja e ekipit kanë bërë që sulmuesi i Kombëtares U-17, Arman Durmishi, të tregojë klimën në ekipin kuqezi.
Në Europianin 2025 të mbajtur në vendin tonë, Shqipëria U-17 e futbollit pësoi 12 gola në tre ndeshje. Ekipet e Francës, Portugalisë dhe Gjermanisë na shënuan nga katër gola, ndërsa ekipi kuqezi nuk mundi të shënonte asnjë duke u eliminuar.
Për sulmuesin 16-vjeçar që është pjesë e Juventusit, Arman Durmishi, fajtori është trajneri Andrea Tedesco dhe këtë e pranoi në “RTSH Sport”.
“Europiani ishte shumë i bukur, luajtëm me ekipet e forta. Edhe ne jemi lojtarë të fortë, por kur kemi trajnerin që nuk di se çfarë të bëj me këta lojtarë të fortë, është më e vështirë. Nuk mund të luash dot për të fituar, me këta lojtarë që kemi na duhet trajner më i fortë”, tha Durmishi.
FSHF - Arman Durmishi - Andrea Tedesco - Euro U-17 - Albania. Credits: RTSH pic.twitter.com/nh4x57pPb0
— News video (@Newsvideo13) May 27, 2025
Komente
