Roma fitoi 0-1 në transfertë me Sampdorian, për javën e 10 në Serie A. Një gol i kapitenit Pellegrini në minutën e nëntë nga penalltia bëri që miqtë e Mourinhos të merrnin pikët e plota nga një transfertë që nuk pa diferencën e vendeve në klasifikim.
Prekja me dorë në zonën vendase bëri që arbitri Di Bello të akordonte 11 metërsh edhe me ndihmën e VAR, të kthyer në gol nga kapiteni i Romës. Me këtë fitore Roma shkon në vendin e katërt me 22 pikë, duke marrë fitoren e tretë radhazi në Serie A. Nga ana tjetër Sampdoria me vetëm tre pikë qëndron në vendin e fundit të Serie A, duke i bërë nisjen më të keqe kampionatit në vitet e fundit. Edhe ndryshimi i trajnerit dhe ulja e Stankovic në stol nuk i ka shkundur "dorianët".
Komento
Komente
