Pas tetë vitesh dhe tetë trofeve të fituar (deri tani), Mohamed Salah pritet të largohet nga Liverpool në fundin e sezonit. Në një bisedë për Sky Sport egjiptiani pranoi se askush në klub nuk e ka ftuar për të rinovuar.
Kjo do të thotë se pas tetë vitesh (firmosi me Liverpool në verën e 2017) ai do largohet nga "Anfield" me tetë trofe, mes tyre Champions League dhe Premier League.
“Unë me të vërtetë dua të fitoj Premier League me Liverpoolin këtë sezon. Është viti im i fundit tek ky klub, kështu që unë dua të bëj diçka të veçantë për qytetin. Askush nga klubi nuk ka folur me mua për çështjen e kontratës, nuk ka asnjë lajm”, u shpreh Salah.
I pyetur nëse beson vërtet se ky do të jetë sezoni i tij i fundit në klub, ai shtoi: “Deri më tani, po. Janë gjashtë muajt e fundit. Nuk ka asnjë përparim. Ne jemi shumë larg çdo përparimi. Pra, ne vetëm duhet të presim dhe të shohim", tha egjiptiani.
Asgjë nuk është përfundimtare dhe fjalët e Salah ka gjasë të dëgjohen në ishull, me Liverpool që nuk do donte largimin e tij pas këtij sezoni të mrekullueshëm me Arne Slot në stol.
Egjiptiani ka shënuar 20 gola dhe ka asistuar 17 herë këtë sezon, në 26 ndeshjet e të gjitha kompeticioneve.
“It’s my last year in the club” ?️
— Sky Sports Premier League (@SkySportsPL) January 3, 2025
Mo Salah gives an EXCLUSIVE update on his contract at Liverpool ? pic.twitter.com/AIapSxSBFC
Komente
