BEOGRAD, Serbi - Në kryeqytetin e Serbisë është duke u mbajtur Kongresi i UEFA-s me të gjithë anëtarët e organizmit evropian të futbollit. Paçka se kreu i UEFA, Ceferin tha se futbolli nuk ka kufij duke sjellë shembullin e bashkorganizimit të Euro 2027 për 21-vjeçarët mes Shqipërisë dhe Serbisë, organizatorët kanë bërë një veprim qesharak duke hequr flamurin e Kosovës.
Të mërkurën, kreu i Federatës së Futbollit të Kosovës, Agim Ademi u pa duke pozuar me flamurin e Kosovës në ambientet e Kongresit. Një gjë e tillë duket se ka shqetësuar organizatorët serb që sipas njoftimit e kanë hequr.
Federata Serbe e Futbollit në një reagim në kanalet e komunikimit ka kërkuar ndjesë 'për çdo qytetar dhe çdo anëtar të popullit, veçanërisht për bashkëkombësit në Kosovë, të cilët u ndjenë të shqetësuar dhe të lënduar nga kjo mungesë vëmendjeje e organizatorit, e cila u korrigjua menjëherë pas reagimit tonë', thuhet në reagim.
Edhe njëherë as futbolli nuk mundi të ulë nacionalizmin serb karshi Kosovës dhe UEFA duket se mburret kot që Shqipria dhe Serbia morën dritën jeshile për bashkorganizimin e Euro 2027 për U-21.
Ende Federata e Futbollit të Kosovës nuk ka një reagim për këtë situatë, ndërsa në pamjet e siguruara duket Sekretari i Përgjithshëm i FFK-së, Markus Weidner, aty ku Kosova ka vetëm logon e Federatës dhe jo flamurin.
?? Kosovo flag was displayed in one of the largest halls in Belgrade, Serbia, where the 49th UEFA Congress is being held. pic.twitter.com/6Dv0eN8CWs
— kos_data (@kos_data) April 2, 2025
Reagimi i plotë i Federatës Serbe të Futbollit:
“Kongresi i 49-të i UEFA-s po zhvillohet sot në Beograd, një nga ngjarjet më të mëdha që është mbajtur ndonjëherë në vendin tonë. Kongresi organizohet nga UEFA, ndërsa Federata e Futbollit e Serbisë mirëpret figurat më të rëndësishme të futbollit në Evropë dhe botë.
Organizimi i jashtëzakonshëm u zbeh nga një neglizhencë e organizatorëve, të cilën një pjesëmarrës në Kongres u përpoq ta shfrytëzonte për interesa jo-futbollistike. Reaguam së bashku, shpejt dhe me vendosmëri, dhe me përgjegjësi të plotë informojmë publikun se nuk ka asnjë flamur apo simbol të Kosovës në Kongresin e UEFA-s sot në Beograd.
Kërkojmë ndjesë për çdo qytetar tonin dhe çdo anëtar të popullit tonë, veçanërisht për bashkëkombësit tanë në Kosovë, të cilët u ndjenë të shqetësuar dhe të lënduar nga kjo mungesë vëmendjeje e organizatorit, e cila u korrigjua menjëherë pas reagimit tonë”, thuhet në komunikatën e Federatës serbe të futbollit.
Faximile e njoftimit nga Federata Serbe e Futbollit
Sekretari i Përgjithshëm i FFK-së, Markus Weidner
Në Kongresin e UEFA-s që po mbahet në Beograd të Serbisë, organizatorët vendas kanë hequr flamurin e Kosovës. Pavarësisht se Kosova është anëtare me të drejta të plota në UEFA dhe FIFA, Federata e Serbisë nuk e ka respektuar këtë gjë, madje siç duket edhe më pëlqimin e UEFA-s.
Ende Federata e Futbollit të Kosovës nuk ka një reagim për këtë situatë, ndërsa në pamjet e siguruara duket Sekretari i Përgjithshëm i FFK-së, Markus Weidner, aty ku Kosova ka vetëm logon e Federatës dhe jo flamurin.
Komente
