Shembja e një ndërtese në Kinë nuk ka shkuar sipas planit, pasi ajo u shemb në anën e kundërt duke përfunduar mbi rrugën ku kalonin këmbësorë e shumë makina.
Pamjet amatore të filmuara me telefon, shfaqin ndërtesën tetëkatëshe e cila gabimisht shemben në trotuar dhe rrugë, duke ua rrezikuar jetën inxhinierëve dhe stafit tjetër që e kishin mbushur me eksploziv.
Ajo ishte planifikuar të binte në anën tjetër, ndërsa nuk raportohet për të lënduar. Ngjarja e tmerrshme ka ndodhur në Nanning gjatë 11 majit por video është publikuar më vonë.
Shumë qytetarë ishin mbledhur afër shiritit ndalues për të parë nga afër shembjen e ndërtesës, por në momentin që ajo filloi të bie në anën e kundërt, ata filluan të vrapojnë që t’i shpëtojnë vdekjes.
Policia kineze ka njoftuar se ka filluar hetimet për këtë incident, për të zbuluar shkakun që shkaktoi shembjen e ndërtesës në anën e kundërt.