FLORIDA, SHBA - Argjentina fitoi 1-0 kundër Kolumbisë në finalen e Kupës së Amerikës të zhvilluar të hënën në orët e para të mëngjesit me kohën shqiptare.
Takimi u shty me afro 90 minuta, kjo për shkak se tifozët e Kolumbisë mësynë të futeshin në stadium edhe pse pa bileta. Kjo ka shkaktuar kaos, përplasje dhe tension mes tifozëve dhe forcave të sigurisë.
Ramon Jesurun, presidenti i Federatës Kolumbiane të Futbollit u arrestua së bashku me djalin e tij nga policia e Floridas. Mësohet se ai pati kontakt fizik me stafin e sigurisë së stadiumit, të cilët nuk e lejuan të përdorte ashensorët.
Jesurum donte të hynte në ashensur për të zbritur në fushën e lojës dhe për të qenë i pranishëm në ceremoninë e ndarjes së çmimeve. Skena shihet në videon e publikuar nga portali “Doble Amarilla”, ku duken të arrestuarit duke qëndruar ballë për ballë me personelin e sigurisë.
Të pranishëm në atë skenë edhe tifozë të shumtë kolumbianë me fanella të verdha. Sot pasdite, dy të arrestuarit do të kenë një seancë gjyqësore në të cilën do të njoftohen për akuzat e ngritura ndaj tyre dhe do të mund të kërkojnë lirimin e menjëhershëm.
De no creer el comportamiento de algunos colombianos ayer en USA. Vergüenza Total. Ramón Jesurún se agarró a puñetazos con un policía, los hinchas además de falsificar boletas, ingresan por ductos de ventilación, Maluma insultó a unos hinchas argentinos... Siento como pena ajena pic.twitter.com/xDrQNun9JD
— Albeiro Cardona R. (@AlbeiroCardonaR) July 15, 2024
