TORINO - Juventusi dhe Milani barazuan 0-0 në raundin e gjashtë të Serie A. Megjithëse shumë raste, dy ishin momentet deçizive të sfidës. Humbja e penalltisë nga Pulisic i Milanit në minutën e 53-të dhe pritja e Mike Maignan, portierit të Milanit, kundër Gattit.
Në minutën e 47-të, pra fill pas nisjes së fraksionit të dytë, Conceiçao hodhi një krosim në zonë. Devijimi i Ruganit bëri që Gatti ta kishte topin para Maignan, me këtë të fundit që u hodh mbi sferën duke bërë një hapje që bllokoi gjithë pasqyrën e portës.
Në fund topi u përplas në duart e francezit dhe Gatti nuk mundi të gëzonte tifozët e tij. Kjo pritje po komentohet gjatë në Itali, duke u quajtur si më e mira e vitit.
Komento
Komente
