BULLGARI - Futbolli në Bullgari ka pësuar një goditje serioze dhe debati në këtë vend është për integritetin e zyrtarëve që u besohet VAR (Video Assistant Referee), kjo pasi një prej asistentëve të këtij sistemi u filmua duke shfletuar faqe bastesh nga dhoma e VAR gjatë sfidës CSKA Sofie - Lokomotiva e Sofies.
Hauk-Eye Innovations, kompania përgjegjëse për sistemin VAR në kampionatin bullgar efbet Liga, ka nisur një hetim të brendshëm pas një incidenti me një nga operatorët e saj VAR gjatë ndeshjes mes CSKA Sofie dhe Lokomotiv Sofie të mërkurën.
Para fillimit të ndeshjes, e cila u luajt në stadiumin 'Vasil Levski', kamerat televizive filmuan se si operatori dukej se po shfletonte një faqe bastesh futbolli në smartfonin e tij personal. Në një letër drejtuar Federatës Bullgare të Futbollit, Hauk-Eye Innovations saktëson se punonjësi në fjalë është pezulluar nga detyra deri në zbardhjen e rastit.
"Hauk-Eye Innovations pranon me keqardhje një incident që përfshin një nga operatorët e saj VAR gjatë ndeshjes midis PFC CSKA-Sofia dhe PFC Lokomotiv Sofia mbrëmjen e 2 prillit 2025.
Pamjet e drejtpërdrejta nga kamera në dhomën e operacioneve VAR dokumentuan individin duke përdorur një smartphone personal gjatë ndeshjes dhe dukej se përfshihej në aktivitete të papërshtatshme që do të përbënin sjellje të pahijshme në lidhje me përgjegjësitë e rolit të caktuar”, thuhej në reagim.
Nga imazhet dallohen dy gjyqtarët e VAR dhe AVAR, Volen Chinkov dhe Stoyan Arsov, të përqendruar në monitorë ndërsa në të majtë të tyre një person i tretë, operatori i ngarkuar për menaxhimin e imazheve nga pikëpamja teknike, i cili mbante një smartphone në duar, ndërsa konsultohej me një faqe të famshme bastesh.
❗PILLADO APOSTANDO❗
— Jose Borda (@Borda_analista) April 3, 2025
En la Liga de Bulgaria, el técnico de imágenes (un auxiliar externo que no es árbitro) fue pillado en la cabina del VAR en pleno partido entrando desde su celular a una plataforma de apuestas deportivas ¡Ninguna Liga debe permitir moviles en la sala VOR!❌ pic.twitter.com/3QeUbOOeKg
Komente
