Rey Manaj ka shënuar golin e 19 sezonal në Turqi dhe të 15-in me fanellën e Sivasspor në Superligën e këtij vendi.
Për raundin e 29 në elitën turke, lushnjari barazoi 1-1 sfidën kundër Alanyaspor në minutën e 64 me një supergol nga goditja e dënimit.
Me Sivasspor në disavantazh, 27-vjeçari u kujdes të barazonte rezultatin dhe të gjente golin e 15-të në Superligë, aq gola sa ka edhe Icardi i Galatasaray.
Forma e mirë e bën Manajn sulmuesin shqiptar me më shumë gola dhe një ftesë nga Sylvinho për në Kombëtare është thuajse e sigurt.
Rey Manaj shënoi golin e 19-të sezonal dhe të 15-in në Superligën turke të futbollit. Paçka se ekipi i tij Sivasspor humbi 1-2 kundër Alanyaspor, sulmuesi i Kombëtares ia doli të barazonte Mauro Icardin në listën e golashënuesve. Sipas medieve turke "predha" e lushnjarit kapi shpejtësinë e 135 kilometrave në orë. Mirë që Manaj nuk ndërron sport pasi me këtë shpejtësi mund t'i "hiqej patenta".
Nota 7.1 për Manaj në këtë duel
