Beograd, Serbi - Skandal në Kongresin e 49-të të UEFA-s që zhvilloi punimet më 3 prill në Serbi. Flamuri i Kosovës u grabit nga ambientet ku po mbaheshin punimet dhe u dogj, teksa organizatorët serb hoqën çdo simbol të Kosovës dhe lanë përfaqësuesit e FFK-së vetëm me simbolet e federatës. Ndërkohë që Federata e Futbollit në Kosovë (FFK) ka paralajmëruar një notë proteste në UEFA.
NGJARJA - Mbrëmjen e 2 prillit, një ditë para nisjes së Kongresit të UEFA-s në Beograd, kreu i FFK-së, Agim Ademi pozoi me flamurin e Kosovës i cili ndodhej në ambientet ku do zhvilloheshin punimet e UEFA-s. Disa orë pas kësaj lajmi "mori dhenë" dhe organizatorët reaguan.
Për t'u theksuar se organizatore ishte Federata Serbe dhe këta të fundit duket se kanë hapur dyert për huliganët. Në një video në kanalet e komunikimit duken huliganët serb që jo vetëm që kanë larguar flamurin e Kosovës sikur të ishin organizatorët, por edhe e kanë djegur atë.
Më 3 prill përfaqësuesit nga Kosova e gjetën veten në një situatë absurde, ku morën pjesë në Kongres me simbolet e Federatës dhe jo me flamurin shtetëror. Edhe pse duhet të ishin të barabartë mes të barabartëve, edhe njëherë UEFA u dorëzua përballë Serbisë dhe lejoi një veprim që FFK thotë se do dërgojë një notë proteste.
"Çdo veprim i mundshëm në fund të takimit kur presidenti i FFK-së nuk ishte më në sallë, nuk e ndryshon faktin se Kosova ishte dhe mbetet pjesë e barabartë e kësaj organizate ashtu siç është në familjen e futbollit evropian dhe botëror. Sigurisht, si gjithmonë, njerëz të caktuar ndjekin agjenda kundër Kosovës duke e hequr nga tryeza e deri në djegien e flamurit të shtetit tonë (siç ndodhi mbrëmë në Beograd nga tifozët e klubeve serbe), por Kosova si shtet është dhe mbetet realitet i pakthyeshëm. FFK-ja menjëherë do t'i dërgojë një notë proteste UEFA-s dhe institucioneve të tjera ndërkombëtare lidhur me këto veprime, të cilat janë kundër vlerave që promovon UEFA", shkruan mes të tjerash FFK-ja.
Fjala e Ceferin
Si për ironi të fatit, të gjitha ngjarjet me flamurin e Kosovës dhe djegien e tij ndodhën para fjalës së kreut të UEFA-s, Aleksandër Ceferin, i cili solli shembullin e bashkorganizimit të Euro 2027 për U-21 nga Shqipëria dhe Serbia, duke harruar se ishin organizatorët serb ata që u sollën në mënyrë kriminale kundër pjesës tjetër të shqiptarëve, duke djegur simbolet e Kosovës para 'kokave' të futbollit botëror.
Kažete zastava tzv. Kosova u Beogradu na samitu UEFA? Evo vam zastava… pic.twitter.com/OKImcqF7yd
— Olgica Rajković (@OlgicaRajkovic) April 3, 2025
Komente
Duka i drogës do të bëj kampionat me këta kriminel.
Përgjigju