IRAN, Tabriz - Regi Lushkja ka lënë shenjën e tij te klubi i ri në Iran, duke gjetur golin e parë me fanellën e Tractorit. Ish-mesfushori i Egnatias vulosi fitoren 4-1 të skuadrës së tij ndaj Aluminum Arak.
Lushkja u aktivizua në fillim të pjesës së dytë dhe vetëm pas 17 minutash në fushë arriti të tundë rrjetën. 29-vjeçari tregoi sërish instiktin e tij në zonën kundërshtare, duke e bërë gjithçka të duket e lehtë.
Ky gol vjen si një konfirmim i formës së mirë që ai ka treguar sezonet e fundit. Te Egnatia, Lushkja ishte protagonist absolut i edicionit të kaluar, ku luajti rol kyç në fitimin e titullit kampion. Ai tanimë ka nisur një faqe të re suksesi edhe në kampionatin iranian.
Regi Lushkja - Tractor, Iran pic.twitter.com/k1ROAQhw5Q
— News video (@Newsvideo13) September 13, 2025
Komento
Komente
